เนื้อเพลง หลับตาก็เหงา คิดถึงเจ้าก็เจ็บ - ทินกร พรพยัคฆ์

ในที่สุดก็ต้องจบกัน เพราะสองเรานั้นไปกันบ่ได้
สถานการณ์ของใจในตอนนี้อ้ายมันเจ็บอิหลี
บ่มีหนทางแก้ไข ซอกหาทางไปให้ใจดวงนี้
ยังบ่พ้อป่องออกซักที กี่วันเดือนปีจั่งสิลืมเจ้าได้ 

เอาน้ำตาซวยหน้าทุกวัน อยากลบฮอยฝันร้างคำสัญญา
ม้างใจที่มันไร้ค่า ถอดคราบน้ำตาเอามาทาใจ
ทนอยู่กับความคิดฮอด ปานถืกแมงงอดตอดฝังเหล็กใน
เจ็บปวดจนแทบขาดใจ บืนล้มบืนตายเมื่อไม่มีเจ้า 

หลับตาก็เหงา คิดฮอดเจ้ากะแฮงเจ็บหลาย
มาโฮมข่อนอยู่บ่อนหัวใจ กัดแข่วยุ้มไว้ยังเจ็บคือเก่า
อุตสาห์ใช้น้ำตาที่ไหลออกมาลบเรื่องของเรา
ปานตอกเสาเข็มความเศร้า ฝังลึกลงไว้ในใจทุกวัน

เจ็บที่สุดเมื่อต้องจบกัน เพราะสองเรานั้นต่างคนต่างใจ
ทุกเจ็บที่ขังในใจอ้าย จนฮอดมื้อตายคงบ่ลืมมัน
ถามใจเอาจั่งใด๋ดี ความเจ็บเถื่อนี้คงฝังใจอีกนาน
หลับตาก็เหงาจนฝัน คิดฮอดหน้าเจ้าหัวใจยิ่งเจ็บ 

* หลับตาก็เหงา คิดฮอดเจ้ากะแฮงเจ็บหลาย
มาโฮมข่อนอยู่บ่อนหัวใจ กัดแข่วยุ้มไว้ยังเจ็บคือเก่า
อุตส่าห์ใช้น้ำตาที่ไหลออกมาลบเรื่องของเรา
ปานตอกเสาเข็มความเศร้า ฝังลึกลงไว้ในใจทุกวัน

** เจ็บที่สุดเมื่อต้องจบกัน เพราะสองเรานั้นต่างคนต่างใจ
ทุกเจ็บที่ขังในใจอ้าย จนฮอดมื้อตายคงบ่ลืมมัน
ถามใจเอาจั่งใด๋ดี ความเจ็บเถื่อนี้คงฝังใจอีกนาน
หลับตาก็เหงาจนฝัน คิดฮอดหน้าเจ้าหัวใจยิ่งเจ็บ
หลับตาก็เหงาจนฝัน คิดฮอดหน้าเจ้า หัวใจยิ่งเจ็บ

ซ้ำ *,**