เอาฮันนี้ ว่าแล้ว ตื่น ตื่น ตื่น
แล้วตื่น ตื่นก่อนล่ะพวกหมู่ชาวนา
ฝนตกมาเร่งลงมือจ้าว
ฟ้าวนำฝน เด้อได้แมนนำฟ้า
คันฝนตกมา นาเจ้าบ่มีฝุ่น
เอาแต่บุญเด้อล่ะว่าบ่เล่น
บ่เล่นงานนี้บ่เอา เร่ง ๆ เข้าน้ำแฮงมาหลาย
สองตายายค่อยดำเด้อเจ้า
อดเด้อเฒ่าเมียออยผัวใส่
เลี้ยงลูกใหญ่เด้อล่ะบ่ได้ใช้
ได้ใช้สองเฒ่าจ่มนำ
พึมดำผัวจมปวดดูก เลี้ยงลูกล่ะสี่คนห้าคน
ทำนำเลี้ยงมาป่านนี้ มันพากันหนีกะบ่เห็นฮอดส้น
ลูกเต้าบ่มาช่วยจักคน เกิดเป็นคนชะมาจนแท้น้อ
ไถล่ะพ่อเฒ่าเจ้าไถ ดำล่ะแม่เฒ่าเจ้าดำ
ฝนตกพรึมพรำเป็นง่อมง้อ ง่อมงอ
ลูกกะลูกอีหลี หาเงินสามปีมันได้มาจักห่อ
บ่พอให้พ่อได้ใช้ บ่พอล่ะให้แม่ได้ใช้
จ้างรถไถนาให้กะไคแน
แม่กะเฒ๋า พ่อกะเฒ่า อาศัยลูกชาวตาย
โดนนำหลายเด้อล่ะว่าเป็นหยัง
ฟังนำท่วมฟ้า ลูกว่าไปหาเงินนั่น
กะบ่เห็นจักพัน จักร้อยจักเทือ
จักเทือ ว่าขับรถ ว่าขับเรือ
หมู่เพิ่นไป ก็ฮักได้ มาซื้อไฮนา
ลูกโตไป ตั้งสี่ห้าคน บ่มีหยัง
ยังกะดัน เด้อล่ะว่าทางนี้ บ่เก่งหาเงินใช้
บุญบั้งไฟ ล่ะมันคืนมาบ้าน
บ่จักเหล้าจักจานมันเซนต์ไว้ให้จ่าย
ให้+++ค่ารถ บัดกลับไปเอานำยาย
ให้แม่ใช้ เซนต์ไว้กะแมนผาน
ดันล่ะพ่อเฒ่าเจ้าดัน ดันล่ะแม่เฒ่าเจ้าดัน
หาบกล้าเจ้าดันให้ลงไปกลางท่ง
เห็นล่ะว่าแอวซ่ง ๆ กะยังสู้อยู่บ่ถอย
ลูกเลี้ยงมาแต่น้อยให้บ่มาซอยทำนา
วาสนาตายาย ซ่ำพอจะเพียงนี้
ลูกผี หรือว่าลูกคน มันบ่หลูโตนในพ่อแม่เสียเลย
เฒ่าเอย เฒ่าเอยลูกเฮา มาอุกมาเอาสองเฒ่าปรึกษากัน
ลูกไปหาเงินหาทอง เอาสอบไปฮอ้องเอาเด้อเงินนั้น
มันไปหาเงินโดนเติบ มันไปหาเงินโดนเติบ
หาเงินซื้อเกิบคู่ละพันสองพัน
พ่อแม่นั่นกินแกวกินเกลือ ป่นบักเขือใส่ปลาทู
ปลาทูกะค่อยพากันจ้ำ แข่วบ่มีกะอดสาหย่ำ
คางกะไตเหยิ๊น ๆ หย่ำเหยิ๊น ๆ บัดห่าง
หน้าบ่ทันกะล่ะว่าได้ล้าง บัดไปแจ้งหะแมนอยู่นา
ฟ้างฮ้องส่งผัวมียืนเซา ผู้เฒ่าทำนา สงสารเด้ สงสารเด้
