เนื้อเพลง พออ้ายลืมเขาเป็นหยังเจ้าลืมอ้าย - ต้นฮัก พรมจันทร์

ไผเว้าละหนอ ว่าขอเข้ามาเยียวยาหัวใจ
ไผเว้าเอาไว้ เขาทิ้งอ้ายไปสิมาปลอบเหงา
เคยเฟสมายาม เคยไลน์นัดเจอบ่เซา
ความเจ็บก้อนเท่าภูเขา เริ่มบางเบาเพราะเจ้าดูใจ

อุตส่าบอกไผ เจ้าคือแฟนใหม่ที่ใจแสนงาม
ช่วยอ้ายลืมช้ำ และพร้อมสร้างทำความฝันยาวไกล
ยิ้มได้บ่โดน คนงามเป็นหยังเงียบหาย
สืบทราบเจ้าไปมีใคร เป็นโซ่มัดใจให้อ้ายฮำฮ่อน

พอเจ้าลืมเขา เป็นหยังเจ้ามาลืมอ้าย
เจ็บลึกกว่าเขาทำลาย เพราะหัวใจเจ็บช้ำซ้ำซ้อน
บ่กล้าบอกไผ ถือเคียงไข้บ่กินบ่นอน
ล้อเล่นซั่นบ่งามงอน น้ำตาเปียกปอนแล้วเด้อใจอ้าย

ยอมรับเงื่อนไข หลบเลียแผลใจด้วยน้ำดีกรี
ปิดตายใจนี้ ชาตินี้ชีวีบ่กล้าฮักไผ
บ่คึดฮอดเขา กะคึดฮอดเจ้าคนเพิ่งทิ้งไป
ใจดำแท้หนอทรามวัย พออ้ายลืมเขา เป็นหยังเจ้าลืมอ้าย

พอเจ้าลืมเขา เป็นหยังเจ้ามาลืมอ้าย
เจ็บลึกกว่าเขาทำลาย เพราะหัวใจเจ็บช้ำซ้ำซ้อน
บ่กล้าบอกไผ ถือเคียงไข้บ่กินบ่นอน
ล้อเล่นซั่นบ่งามงอน น้ำตาเปียกปอนแล้วเด้อใจอ้าย

ยอมรับเงื่อนไข หลบเลียแผลใจด้วยน้ำดีกรี
ปิดตายใจนี้ ชาตินี้ชีวีบ่กล้าฮักไผ
บ่คึดฮอดเขา กะคึดฮอดเจ้าคนเพิ่งทิ้งไป
ใจดำแท้หนอทรามวัย พออ้ายลืมเขา เป็นหยังเจ้าลืมอ้าย