เนื้อเพลง บ่เลือกอ้าย เจ็บแป๋ตายคักๆ - สง่า วนารักษ์

บ่เลือกอ้าย เจ็บแป๋ตายคักๆ สง่า วนารักษ์

ความอกหักเข้าใกล้ หัวใจอ้ายทุกขณะ 
เมื่อได้รู้ว่า ในใจเจ้ามีเขาอีกคน
อ้ายได้ข่าวว่าเขา มีโปรโมชั่นล่อใจหลายล้น
ฮักทีเคยเข้มข้น เริ่มสิหม่นออกสีจางๆ

อ้ายขี่มอเตอร์ไซฮ่างเขานั่งรถยนต์แอ้มแว่น
รูปกะหล่อมาดแมน งานการดีกว่าอ้ายทุกอย่าง
มีฮักแท้แค่นั้น พอแข่งขันสู้เขาได้บ้าง
ความหล่ออ้ายจางๆ เป๋าตังแบนแฮงดึงเจ้าบ่พอ

* บ่ฮักกันแล้วบ้อ จั่งเปิดใจให้เขามาใกล้
อ้ายต้องเฮ็ดแบบได๋ ให้อ้ายไปหรือให้อยู่ต่อ
ส่อยบอกอ้ายแน มีแนวโน้มเลือกเขาอยู่บ้อ
เบิ่งเขาดีแล้วบ่ พอเซื่อใจเขาได้ซำได๋

**หากเขาคือคนใช่ พร้อมไปได้ทุกขณะ
เพื่อความสุขน้องหล่า เจ็บปานได๋อ้ายยอมทำใจ
อ้ายบ่ได้ว่าหยัง ให้เจ้าทำตามคอนเส็ปวางไว้
สิเลือกเขาหรืออ้าย สอบถามใจตัวเองคักๆ

(ซ้ำ*,**)

หากเจ้าบ่เลือกอ้าย คงเจ็บหลายเจ็บแป๋ตายคักๆ